இந்நிலையில் பூமிகா அளித்த பேட்டி வருமாறு:-
திருமணத்துக்கு பிறகு நிறைய படவாய்ப்புகள் வந்தன. ஆனால் நான் நடிக்கவில்லை. தற்போது மீண்டும் திரையுலகுக்கு வந்துள்ளேன். மலையாளத்தில் ‘ஏப்ரல் பூல்’ படத்தில் நடிக்கிறேன். நிறைய படங்களில் நடிப்பதைவிட நல்ல கதையம்சமும் கேரக்டரும் அமையும் படத்தில் நடிக்கலாம் என்று இருக்கிறேன்.
ஆனால் கதாநாயகர்களை மையப்படுத்தியே கதைகளை உருவாக்குகின்றனர். அவர்களுக்குதான் முக்கியத்துவம் தரப்படுகிறது. கதாநாயகிகளை கவர்ச்சி காட்டும்படி நிர்ப்பந்திக்கிறார்கள். நீச்சல் உடையில் நடிக்கும்படி நெருக்கடி கொடுக்கிறார்கள். ஆனால் கதாநாயகர்கள் எந்த நிர்ப்பந்தமும் இல்லாமல் நடித்து வருகிறார்கள்.
இவ்வாறு பூமிகா கூறினார்.
