அரவான் எடுபடாமல் போனது யாருக்கு நஷ்டமோ இல்லையோ தன்ஷிகாவுக்கு பெரும் பின்னடைவு. அரவானைதான் அவர் நம்பிக் கொண்டிருந்தார். காட்டிலும் மேட்டிலும் செருப்பு இல்லாமல் நடந்ததற்கு எந்த பயனும் இல்லை.
பாலாவின் பரதேசியில் இவர் நடித்திருப்பதாக தகவல். பாலா எடிட்டிங்கில்கூட எதை வேண்டுமானாலும் தூக்கி எறிவார். படம் வெளியாகும்வரை அதர்வாவுக்கேகூட இது பொருந்தும். அடுத்து என்ன என்று காத்திருந்தவருக்கு தனுஷ் வடிவத்தில் வந்திருக்கிறது ஜாக்பாட்.
சிவகார்த்திகேயன், ரியா ஆனந்த் நடிக்கும் இந்தப் படத்தில் முக்கியமான வேடத்தில் தன்ஷிகா ஒப்பந்தமாகியிருக்கிறார். விளையாட்டு வீரராக வரும் சிவ கார்த்திகேயனின் கோச்சாக தன்ஷிகா நடிக்கிறாராம்.
ஹீரோயின் வேடத்தில்தான் நடிப்பேன் என்றால் வீட்டில் முடங்க வேண்டியதுதான் என்பதை இரண்டே படத்தில் தன்ஷிகா தெரிந்து கொண்டது ஆச்சரியம்தான்.
