ஜீவா, பூஜா ஹெக்டே, நாசர், செல்வா, கிரீஷ் கர்னாட் நடிக்க, மிஷ்கின் இயக்கியுள்ள படம் முகமூடி. சமீபத்தில் இந்தப் படத்தின் ட்ரைலர் வெளியிடப்பட்டு, பெரும் வரவேற்பைப் பெற்றது
ஸ்பைடர்மேன், பேட்மேன் மாதிரி தமிழில் உருவாகும் முழுநீள சூப்பர் ஹீரோ கதை இது.
படத்தின் இசை வெளியீட்டு விழாவை பிரமாண்டமாக நடத்தத் திட்டமிட்டுள்ளனர்.
ஜூலை 20-ம் தேதி சென்னை சத்யம் சினிமாஸில் நடக்கும் இந்த விழாவில், கன்னடத்தின் முன்னணி நடிகர்களில் ஒருவரான புனித் ராஜ்குமார் பங்கேற்கிறார். முகமூடி ஆடியோ சிடியை நடிகர் விஜய் வெளியிட, புனித் ராஜ்குமார் பெற்றுக் கொள்கிறார்.
புனித் ராஜ்குமார் குடும்பத்துக்கு சென்னையில் பங்களாவே உள்ளது. இங்கே சில காலம் தங்கியும் இருக்கிறார் புனித். ஆனால் தமிழ் சினிமா விழாவில் அவர் பங்கேற்பது, அநேகமாக இதுதான் முதல்முறையாக இருக்கும்.
சமீபத்தில் புனித் ராஜ்குமாரின் ஜாக்கி, அன்னா பாண்ட் போன்ற படங்கள் சென்னையில் வெளியானது குறிப்பிடத்தக்கது.
